“မိစ္ဆာလူမိုက်… ဓါတ်တွေခိုက်… မြန်စွာပျက်စီးကြလိမ့်မည်”

နေတဆူလတဆူလိုထင်ပေါ်ကျော်ကြားတဲ့ သာမညတောင် ဆရာတော်ဦးဝိမလရဲ့ကြွင်းကျန်နေတဲ့ ဆရာတော် ရုပ်ကလာပ်ကိုတပည့်တွေပူဇော်ဘို့အဓိဋ္ဌာန်နဲ့သာမညတောင်မှာထားရစ်ခဲ့ပါတယ်။ ၀ိဇ္ဇာတွေရဲ့အလိုအရ တပည့်လက်ဝယ်မှာထားခဲ့ခြင်းဖြစ်ပါတယ်။ တပည့်သာဝကဝေနေရာတို့ကုသိုလ်တရားပွါးဖို့ထားခဲ့တာဆိုလျှင်ပို၍လျှော်ကန်သင့်မြတ်ပေလိမ့်မည်။ ၀ိဇ္ဇာလမ်းစဉ်လိုက်စားသူများသိကြပါသည်။မြန်မာနိုင်ငံနှင့်ပါတ်သက်တဲ့ ကောလာဟာလ သတင်းတွေက များလွန်းတော့ ယုံရအခက်ဖြစ်နေပါသည်။ အမည်မသိ ခေါင်းစွပ်အမဲ ပျောက်ကျားဝတ်စုံဝတ်ထားတဲ့ လက်နက် ကိုင်လူတစု လာရောက်လုယူသွား တယ်ဆိုတဲ့ သတင်းဟာတောမီးပမာတကမ္ဘာလုံးပျံနှံ့သွားတယ်။ တော်တော်လဲအံ့သြတုန် လုပ်မိတယ် ဆရာတော်ရုပ်ကလပ်ကိုမီးရှို့ဖျက်ဆီးလိုက်တယ် ဆိုတဲ့နောက်ဆက်တွဲ သတင်းတွေလဲ ထွက်ပေါ်လာခဲ့တယ်။ ဘာကြောင့်ဒီလိုပြုလုပ်ကြတာာလဲလို့ တွေးနယ်ချဲ့ မိတော့တယ်။ ……
မြန်မာနိုင်ငံမှာမကြုံ စဖှုးထူးကဲ့တဲ့ သတင်းတွေဟာ (၁၉၈၉) ခုနှစ်လောက်ထဲက အံဘွယ်ဘနန်း သြချလောက် အောင် ကြုံရ ကြားရ တွေ့မြင်ခဲ့ရတယ်။ ကျောက်ဆင်းတု ကိုယ်တော်တွေ ရင်မောက်လို့ မျက်ရည်ယိုထွက်လို့ ပုပ္ပါးတောင်ကလပ်မှာ မြေတွေတ ဖြေးဖြေး နိမ့်ဆင်းသွားလို့ ကျိုက်ထီးရိုးရသေ့တောင်ဘက်မှာ တောင်တွေ ပြိုကြလို့ ရေကြီး လို့ ရွှေတိဂုံထီးတော် တော်တော်နဲ့ ပြန်တင်လို့မရလို့ဆိုတဲ့ ထူးဆန်းအံသြဖွယ်ရာ အဖြစ် အပျက်တွေဟာ မိမိတို့ကိုယ်ကို ဘုန်းရှင် ကံရှင် သမ္ဘာရှင်တွေလို့ အထင်ရောက်ပြီး သူတို့စိတ်ထဲရှိသမျှ ထင်တိုင်းကြဲခဲ့တဲ့ စစ်အာဏာာရှင်န၀တ နအဖ လက်ထက်မှာပေါ် ခဲ့တာဖြစ်ပါ တယ်။
ကမ္ဘာဗုဒ္ဓ၀ိပဿနာလို့ ကမ္ဘာနိုင်ငံအသီးသီးမှာ လူသိများပြီး တရားစခန်းတွေဖွင့် သာသနာအဆုံးအမတွေ တည်အောင်ကြိုးစားအားထုတ်နေတဲ့လူဓမ္မကထိက၊ ကမ္မဋ္ဌာနစရိယ ဆရာတဆူဖြစ်တဲ့ ဆရာကြီးဦးဂိုအင်ဂါ ကို တရားအမွေပေးသူဟာ ဆရာကြီး ဦးဘခင် ဖြစ်ပါတယ်။ တခါ ဆရာကြီးဦးဘခင်ကို ဒီလိုတရားဉာဏ်တွေရောက် အောင် သွန်သင် ညွှန်ပြ ဆုံးမခဲ့တာက ဆရာသက်။ အနာဂါမ်ဆရာသက်ကြီးလို့ မြန်မာနိုင်ငံမှာ ထင်ရှားကျော် ကြားတဲ့ လူဓမ္မကထိက ဆရာတဦးပါ။
ထိုအနာဂါမ်ဆရာကြီး၏ ကြွင်းကျန်ရစ်သောရုပ်ကလပ်ကိုရန်ကုန်မြို့ ရွှေတိဂုံစေတီတော်ရဲ့ မြောက်ဘက်မုခ် သွေးဆေးကန်အနီး အာဇာနည်ဗိမာန်ရဲ့ အထက်ကုန်းမြေမြင့်မှာ ဂူသွင်းမြှုပ်နှံခဲ့ပါတယ်။
၁၉၈၈ ခုနှစ် စက်တင်ဘာလ (၁၈) ရက်နေ့မှစ၍ တိုင်းပြည်ရဲ့အာဏာအရပ်ရပ်ကို အာဏာသိမ်းပြီးတက်ခဲ့တဲ့ စစ်အစိုးရက၊ န၀တ ဆိုပြီးဆိုင်းဘုတ်ထောင်တဲ့ အချိုန်မှစ၍ အဖေ့ထက်သားတစ်လကြီးဆိုတဲ့ စကားနှစ်အညီ အထက်ကပြောခဲ့တဲ့ အနာဂါမ်ဆရာသက် ကြီး၏ဂူအပါအ၀င် အာဇာနည်ဗိမ္မန်ရဲ့အထက်မှာ ကျောက်တုံးကြီး တတုံးစိုက်ထူပြီး သူရဲကောင်းစစ်သည်ဗိမ္မန်ဆိုပြီး ပန်းခြံတခု တည်ဆောက်ခဲ့တဲ့အတွက် အဲဒီအချိန်မှစ၍ အနာဂါမ်ဆရာသက်ကြီးရဲ့ ဂူလဲပျောက်ခြင်းမလှ ပျောက်ကွယ်သွားပြီး ယနေ့အချိုန်ထိဘယ် ရောက်သွားသည် မသိဖြစ်ခဲ့တယ်။
ပဲခူးမြို့ရဲ့အင်္ဂါဒေါင့်မှာ ရာဇာဓိရာဇ်လက်ထက်၊ ဘရင့်နောင်လက်ထက်မှ ဘီအိုင်အေ ဘီဒီအေ ခေတ်အထိ အောင်မြေလို့သက်မှတ်ခဲ့တဲ့ နေရာထူး နေရာမြတ်တခုရှိခဲ့ပါတယ်။ တိုက်ပွဲဝင်သူတို့ရဲ့အောင်မြေဖြစ်လို့လား။ ပဲခူးမြို့ကို အညွှန့်ချိုးခြင်လို့လားဆိုတာ သဲသဲ ကွဲကွဲ မသိရပေမဲ့ နံနှိမ်တဲ့အနေနဲ့ သုဿန် အဖြစ်ပြောင်းလဲ ခဲ့တယ်။
စစ်အာဏာရှင်တို့ရဲ့ ပရောဟိတ်တွေရဲ့အစီအမံဖြင့် သမိုင်းဝင်နေရာကောင်း နေရာသန့်နေရာမြတ်ဟာ သုဿန်တစသင်္ချိုင်းဝဖြစ်ခဲ့ရပြီး။ သမိုင်းအစဉ်အလာကြီးမားတဲ့ နေရာတွေကို မဖျက်ဆီးသင့်ကြောင်း လူအပေါင်းကစာရေးအကြောင်းကြားတောင်း ဆိုပေမဲ့ ငါမြင်းငါစိုင်း စစ်ကိုင်းရောက်ရောက်ဆိုတဲ့သဘောနဲ့ ထင်ရာစိုင်းခဲ့ကြပြီ။ ထိုကဲ့သို့ထင်ရာစိုင်းနိုင်အောင် အထက်ကပြောခဲ့တဲ့ပရောဟိတ်တွေထဲမှာ ဘုန်းကြီး ပရောဟိတ်တွေလဲပါတယ်။
ဆူးလေစေတီတော်ကို ဘက်စုံမွမ်းမံပြင်ဆင်တယ်ဆိုပြီး ကုန်းတော် ပါတ်လည်မှာရှိတဲ့မြေတွေကို ဖဲ့ထုတ်ပြီး သမ္မတရုပ်ရှင်ရုံရှေ့က တံတားဆောက်တဲ့နေရာ မှာ၎င်းဘုရားမြေတွေကိုဖို့ခဲ့တယ်။ အညာသီဟတောဘုရား ပခုက္ကူသီဟိုရ်ရှင်ဘုရားကိုလဲ ပုံသဏ္ဍန်အတုပြုလုပ်ပြီး ၄င်းဘုရားအစစ်ကို အလောင်းစည်သူမင်းရဲ့ ပြဒါးရှင်လုံး ရှိတယ်ဆိုပြီးအပိုင်းပိုင်းအတစ်တစ်ဖြတ်တောက်ခါ ပြဒါးရှင်လုံးရှာပုံတော်ဖွင့်ခဲ့ဘူးတယ်။ ပုဂံရာဇ၀င်မှာ အထင် အရှားရှိခဲ့ဘူးတဲ့ ထီးလိုမင်းလိုစေတီကို အမည်ပညတ်ပြောင်းပြီး ထီးရောက်မင်းရောက်စေတီလို့ အမည် ပြောင်းလဲသက်မှတ်ခဲ့တယ်။ ကျိုက်ထီးရိုးစေတီကိုလဲ မူလပုံသဏ္ဍာန်ကိုဖျက်ပြီး ပုံစံအသစ်တည်ဆောက်ခဲ့တယ်။ မန္တလေးမြို့က မဟာမုနိရုပ်ရှင်တော်မြတ်ကြီးကိုလဲ ဗိုက်ဖေါက်ဋ္ဌာပနာတွေခိုးယူခဲ့တယ်။ သူတို့်လ်ိုချင်လျှင် ဘာမဆိုလက်နက်အားကိုးဓါးပြသူခိုးလိုအမျိုးမျိုးကြိုးစားအားထုတ်ခဲ့ ကြတယ်။
ထေရဝါဒသာသနာထွန်းကားရာ မြန်မာနိုင်ငံဒေသအသီးသီးမှာ ပဋိယက် ပဋိပတ် အကျင့်မြတ်တွေတင်မက လောကီသူတော်ကောင်းလမ်းစဉ်ကို ကျင့်ကြံပွားများ အားထုတ် ကြ တဲ့ ဆရာကောင်းဆရာမွန်များဟာ ရသေ့၊ ရဟန်းအသွင်မက၊ လူပုဂ္ဂိုလ်၊ လူသူတော် တွေပါ ထင်ရှားစွာရှိနေဆဲ၊ ဆေးအတတ်၊ ဓါတ်အတတ်၊ နက္ခတ် အတတ်၊ အင်း၊ အိုင်၊ ခလှဲ့၊ လက်ဖွဲ့၊ မန္တာန်ပါမကျန်သူလမ်းစဉ်နှင့်သူ၊ ကျင့်ကြံပွားများအားထုတ်ကြတဲ့ သူအပေါင်းဟာ မရေတွက်နှိုင်အောင်များပြားလှပါတယ်၊ အခြေခံအားဖြင့် ဘုရားဂုဏ်၊ တရားဂုဏ်၊ သံဃာဂုဏ်တော်တွေကို ပူဇော်ရွတ်ဆိုရင်း လောကီလူသားတွေကို အကျိုးပြုမည့် ပညာရပ်တွေ ကျင့်ကြံ ပွားများအားထုတ်ကြခြင်း ဖြစ်ပါတယ်။ ဒါကိုပင် လောကီ ၀ိဇ္ဇာလိုင်းလို့လွယ်လွယ်ကူကူ မှတ်ယူကြပါတယ်။ ယထာဘူတညာဏ်ကို အခြေခံပြီး ၀ိပဿနာတရားအစစ်ကို ကျင့်ကြံအားထုတ်တော်မူကြတဲ့သူအပေါင်းကို လောကုတ္တရာ ၀ိဇ္ဇာလမ်းစဉ်လို့ အမည်သညာ ခေါ်ဆိုကြပါတယ်။ လောကီဝိဇ္ဇာလိုင်းမှရပ်နားပြီး လောကုတ္တရာ ၀ိဇ္ဇာလိုင်းကို ကူးပြောင်းအားထုတ်သူတွေကိုတော့ ဓမ္မ၀ိဇ္ဇာလို့ထပ်ဆင့်ခေါ်ဆိုပြန်တယ်။
အဲဒီလိုကျင့်ကြံအားထုပ်သူတွေထဲမှာ လောကီဝိဇ္ဇာလိုင်းက ပြဒါးသံသေ၊ ဆေး၊ အင်းတွေနဲ့ စုံညီထမြောက် ပေါက်ချင်တိုင်းပေါက်နေတဲ့ ပုဂ္ဂိုလ်ထူးတွေလည်းရှိပါတယ်။ ဆရာ၊ သာသနာ၊ ဝေနေယျ မိမိတို့ဆိုတဲ့ အကျိုးလေးဖြာကို မိမိတို့၏ အာယုကပ်ရှိသည် နှင့်အညီ စွမ်းစွမ်းတမံ ဆောင်ရွက်တော်မူကြပါတယ်။ လူသိမခံတဲ့ ပုဂ္ဂိုလ်တွေရှိသလို လူသိမခံဘဲ လူမသိသူမသိ ပရိသတ်အကပ်မခံဘဲ မိမိပြုလုပ်စရာရှိတဲ့ ကိစ္စ မှန်သမျှကို ပြီးမြောက်အောင်မြင်အောင် ပြုလုပ်တတ်တဲ့ ပုဂ္ဂိုလ်မျိုးတွေလဲရှိခဲ့ဘူးတယ်။ ရှိနေဆဲလဲဖြစ် တယ်။ အဲဒီလို ပုဂ္ဂိုလ်မျိုးတွေထဲမှာ သာမညတောင် ဆရာတော် ဦးဝိနယ ဟာ မြန်မာနိုင်ငံ တွင်မက ၊ ကမ္ဘာ မှာလည်း ထင်ရှားကျော်ကြားတဲ့ မထေရ် တစ်ပါးပါ။ ဆရာတော် ကျောင်းကို ရောက်လာတဲ့ မည်သူမဆို အယုတ် အလတ် အမြတ် မရွေးဧည့်ခံကျွေးမွေးနေ တာကို ရောက်ဖူးသူတိုင်းနှင့် စာဖူးသူတိုင်း ဆရာတော်ကျေးဇူးကို သိကြမှာပါ။ မြန်မာ စကားပုံရှိပါတယ် ။“ တလုပ်စားဖူး သူ့ကျေးဇူး အထူးသိလျှက် အဆပ်ခက်၏” တဲ့ နေ့စဉ်နှင့်အမျှ နယ်လေးရပ်က ရောက်လာတဲ့ ဘုရားဖူးဧည့် ပရိဿတ်အပေါင်းဟာ ဆရာတော် စီမံဧည့်ခံကျွေးမွေးတဲ့ ထမင်းကိုစားပြီး ပုတီးစိတ်ကြ၊ တရားနာကြ၊ ဘုရားဖူးကြ သာမညတောင်ဟာ ကြက်ပျံမကျ စည်ကားတဲ့နေရာ တစ်ခုဆိုတာ ရောက်ဖူးသူတိုင်း ပြန်လည်တသ ပြောကြစမြဲပါ။ ဆရာတော်ကျွေးခဲ့ဘူးတဲ့ ကျေးဇူးတရားတွေဟာ မြန်မာနိုင်ငံအနှံ့ နယ်လေးရပ်မှာရှိကြတဲ့ ပရိဿတ်အပေါင်းတို့ရဲ့အပေါ်မှာ ယနေ့အထိ သြဇာလွမ်းမိုးနေဆဲပါ။ ဆရာတော်ကို ချစ်ခင်ယုံကြည် ၊ ကြည်ညိုလေးစားတဲ့ ခုနှစ်ရက်သားသမီး အပေါင်းတို့၏ စိတ်သဏ္ဍာန်မှာ ဆရာတော် ရုပ်ကြွင်းကို ယခုလို အတင်းအဓမ္မ လုယူဖျက်ဆီးလိုက်တာကို ကြေနပ်နှစ်သက်နေမှာလား.။ ဒါမှမဟုတ် ရာဇတောဝါမို့ ကြောက်ရွံ့နေကြတာလား။ မဟုတ်တာ မမှန်တာတွေ လုပ်နေသမျှကို ခေါင်း
ငုံ့ခံနေရတဲ့ အလေ့အကျင့်တွေများနေလို့လား။ ခန္တီစ.. မနိုင်လို့ သည်းးခံနေတာလား။ တပေါစ.. မရှိလို့ငတ်လို့ ချို့ခြံနေတာလား..ဆိုတဲ့ စကားမျိုးလို ဖြစ်နေပြီ။
လောကီဝိဇ္ဇာလမ်းစဉ်ကို မိမိတို့ ပါရမီအလျှောက် ဖြည့်ကျင့် ဆည်းပူးကျင့်ကြံပွား များအားထုတ်တော့မယ် ဆိုလျှင် အမျိုး၊ ဘာသာ၊ သာသနာ အတွက် ထမ်းရွက်ပါ့မယ်။ ခုနှစ်ရက် သားသမီးအပေါင်းတို့၏ ကောင်းကျိုး မှန်သမျှကို ထမ်းရွက်ပါ့မယ် ဆိုပြီး ဦးစွာမိမိတို့ နှုတ်က ဘုရားကို တိုင်တည်ပြီး သစ္စာဆိုကြပါတယ်။ လူတစ်စု ကောင်းစားအောင်လုပ်ပါ့ မယ်လို့ သစ္စာဆိုတဲ့သူ မရှိပါဘူး။ ဒီနေ့ကာလ ၀ိဇ္ဇာအတတ်ပညာ တစ်ခုခု စွမ်းအင် သိဒ္ဓိ တစ်ခုခု ရရှိလာပြီဆိုလျှင် (သို့မဟုတ်) ထင်ပေါ်ကျော်ကြားလာပြီဆိုလျှင် မင်းစိုးးရာဇာ အာဏာပိုင် အဖွဲ့အစည်းတို့ရဲ့ ကိုးကွယ်ဆည်းကပ်မှု ခံရပြီဆိုလျှင်(သို့) မင်းစိုးရာဇာတို့၏ တံစိုးလက်ဆောင် အမျိုးမျိုးကို ရနေပြီဆိုလျှင် မင်းလိုလိုက် မင်းကြိုက်ခစားကြတဲ့ မင်းမြှောင် ကပ်ပါးလုပ်ပြီး ထိုပုဂ္ဂိုလ်တွေအကြိုက် အခါပေး ခြင်း ယတြာပေးခြင်း အစီအမံပြုလုပ်ပေးခြင်း အာဏာ ရာထူတည်မြဲရေးအတွက် အစွမ်းကုန် ကြိုးပမ်းကြ တော့တာပဲ။ ၄င်းတို့တတ်သော အတတ်ပညာဖြင့် ပြည်သူလူထုကို ညှင်းပမ်း နှိပ်စက်ခြင်းများ ပြုလုပ်ပြီး
မင်းဆရာ လုပ်နေတဲ့ သူတွေလည်းရှိတယ်။ အင်မတန်ပေါများတဲ့ ကာလဖြစ်နေပြီ။ ခုနှစ်ရက်သားသမီးအပေါင်းကို မသိမသာ နှိပ်စက်နေတာ တွေ့လာရတယ်။ စိတ်မချမ်းမြေ့ဖွယ် ပါတကား..။ မူလမိမိတို့ နှုတ်ထွက်သစ္စာတွေ ပျက်နေတဲ့အတွက် တနေ့နေ့ တချိန်ချိန် မှာမိမိတို့ရဲ့ နှုတ်ထွက် ၀စီသစ္စာတွေ ပြန်စူးလိမ့်မယ်ဆိုတာ မမေ့ကြနဲ့လို့ သတိပေးချင်တယ်။ ၀ိဇ္ဇာဓာတ်က နည်းနည်း လူဓာတ်တွေက များများ ဟိတ်နဲ့ဟန်နဲ့ ဓာတ်လုပ်နေတဲ့ လူတွေလည်း မနဲမနောပါလား။ သာသနာတော်ရဲ့မျက်နှာကို ထောက်ပါ ။
ဝေနေယျ ခေါ် ခုနှစ်ရက်သားသမီးအပေါင်းတို့ရဲ့ ဘ၀တွေကိုလည်း စာနာသနားကြပါ။ ၀ိဇ္ဇာလမ်းစဉ်လိုက်တယ်ဆိုပေမယ့် မိမိတို့ရဲ့ မူလစိတ်က မမှန်လျှင် ဒေ၀ဒတ်လို ငရဲကျလိမ့်မယ်။ မကောင်းတဲ့ ဓာတ်ဆိုး ဓာတ်ယုတ် ဓာတ်ပုတ်တွေ ကို မြေလှန်ဖို့ မိမိတို့ရဲ့စိတ်ပုတ် စိတ်ယုတ်တွေကို မိမိတို့၏ စိတ်နှလုံးအိမ် အတွင်းက ညှစ်ထုတ်ဖို့ အချိန်တန်ပြီ။ ၀ိဇ္ဇာညာဏ် အလင်းပေါက်ပြီး တိုင်းသူပြည်သား လူအများ ခုနှစ်ရက် သားသမီးအပေါင်းကိုကယ်တင်နိုင်ကြပါစေ…။


မင်းခေါင်မြေး